سوق واقف – قطر | Souq Waqif – Qatar

السلام عليكم

عدت من جديد للمدونه بعد انقطاع..

(لـ ظروف خارجه عن ارادتي)

.

راح أكمل معاكم تقارير من رحلتي الى قطر

اللي كانت شهر فبراير 2014

.

و تقريري اليوم عن مكان سياحي وايد حلو

سوق واقف

(او بالكويتي سوق واجف)

.

طبعا اللي بيزور قطر.. لازم يزور هالمكان

من اهم الاماكن السياحيه 

اللي انصح فيها وبشده

و اهم شي الجو يكون حلو عشان تستمتعون.. 

.

سوق واقف هو سوق تقليدي يعتبر من أهم المعالم السياحية في مدينة الدوحة. يجمع السوق بين العراقة والأصالة وبين المدنية الحديثة، وهو أشهر معلم سياحي وتراثي يقصده السياح والمواطنون. يشتهر السوق ببيع المشغولات التراثية وتناول الطعام العربي والشعبي والعالمي. سمي سوق واقف يهذه التسمية كما يقول مختصون بالتراث القطري لأن الباعة كانوا يقفون إلى جنبات الطريق التي تؤدي إلى السوق الكبير في الدوحة ليبيعوا فيها أشياء مثل (البقل و السمك). ويعتبر السوق واحداً من أكثر الأمكنة حيوية في الدوحة وهو يضم عدداً متزايداً من المطاعم التي تقدم الطعام القطريّ التقليديّ ومختلف المأكولات الخاصة بالشرق الأوسط.

.

.

.

احنا بهالزياره للسوق..

تمشينا فيها

شرينا تذكارات بسيطه

و اكلنا خبز رقاق

و بعدها تعشينا في مطعم سوري “شامي”

اسمه داماسكا

( قريبا التقرير ان شاء الله )

و بعدها حضرنا ربع ساعه جلسة لاذاعة صوت الريان

المفروض كانت للفنانه الكويتيه الشعبيه فطومه

بس اعتذرت و حطوا بدالها

الفنانة الشعبية القطريه فاطمة شداد

و بعدها رجعنا الفندق..

.

.

The Botanist London | ذا بوتانيست

Natural Kitchen – London | ناتشورال كتشن

السلام عليكم

في أحد ايام لندن رحنا تفطرنا في مطعم قريب من فندقنا

في شارع بيكر اسمه..

The Natural Kitchen

طلبنا :

بيض فلورنتين

 اومليت

 عصير كيوي و نعناع و تفاح

.

حلو فطورهم عجبني و مكانه حلو

اعطيه 7.5/10

.

العنوان: (عندهم فروع ثانيه بعد)

55 Baker St, London W1U 8EW، المملكة المتحدة

http://www.thenaturalkitchen.com

.

مطعم اوبار – بريق الشاطئ | Ubhar – Muscat

السلام عليكم

اثناء زيارتنا لـ مسقط

قررنا نتعسى في مطعم اوبار

(اسم المطعم مأخوذ من مدينة أوبار المفقودة

اللي يقولون موجوده في جنوب سلطنة عمان)

.

المطعم يقدم المأكولات العمانيه

وايد عجبنا المطعم

طلبنا:

طبق مقبلات مشكله

شوربة عدس

ساندويشات شوا اوبار

قبولي (رز مع لحم الشوا)

و فيه طبقين نسيت اسمهم بس واحد سندويشات و الثاني رز مع حمسة بزاليا و بطاط

و بالاضافه للمشروبات عصير ليمون و بيبسي و لبن

الحلويات:

المهلبيه

فطيره بف باستري محشيه حلوى عمانيه

.

انصح فيه و بـ شده

8.5/10

.

العنوان:

 مجمع بريق الشاطيء – شارع الخارجيه – منطقة شاطيء القرم

Instagram @UBHAROMAN

.

Holiday Inn Express Manchester Arena | هوليداي ان اكسبرس مانشستر

السلام عليكم

اليوم بتكلم عن فندق

هوليداي ان اكسبرس

اللي سكناه اخر مره رحنا مانشستر

الغرفه حجمها كبير لانها غرفة “ذوي الاحتياجات الخاصه” 

تم حجزها بالغلط و الحجز كان غير مسترد فـ ماقدرت اغير للاسف

بس عموما كان زينه

و للاسف نسيت اصور الحمام  (تكرمون)

و منطقة الرسبشن و اللوبي الصغير

.

.

المطعم و الفطور

.

.

المصاعد و الممر الى الغرفه

.

.

الغرفه

.

.

المنظر من الغرفه

.

.

الفندق ما انصح فيه

عيوبه اكثر من مميزاته

اعطيه 5/10

.

* الفطور مجاني بس خيارات محدوده جداُ

English Breakfast و كورنفلكس

و طريقة الفطور مثل المقصف هههه تاخذون صينيه

و تلفون عالاكل و تاخذون و تقعدون

و بعد ما تخلصون ترجعون الصينيه بالعربانه المخصصه

* الـCheck in ممتاز .. بسرعه خلصنا الاجراءات و عطونا الغرف

* الوايفاي مجاني بس شوي بطيء

* الفندق في تحته سوبرماركت اسمها SPAR

* جنب الفندق بالضبط فندق كراون بلازا و سبق سكنته

* الفندق يبعد عن مول الارنديل 5 دقايق مشي

* الغرفه مافيها ثلاجه بس فيها عدة الشاي و القهوه

* الغرفه مافيها سيفتي بوكس بس في سيفتي بوكس تحت عند الرسبشن

يكون خاص فيكم و انتوا تفتحونه بنفسكم (حاطين مجموعه جنب بعض)

* الفندق مو على شارع رئيسي صاير بالنص بين عماير و بنايات

فـ اكو شارع صغير يدخل الفندق التكاسي ما يعرفونه !!

.

.

في فنادق اقرب للسنتر و احلى و ارقى بـ مراحل

فنادق مانشستر كلش مو غاليين الليله maximum 60 دينار

بس احنا حجزناه لان نبي نغير

اخر مره كنا ساكنين في كراون بلازا اللي جنبه بالضبط

و كنا نبي فندق ميركيور او راديسون بلو بس كانوا فل حسافه..

.

Booking

TripAdvisor

موقع الفندق

.

العنوان:

Goadsby Road off Swan Street , Manchester City Centre,

Manchester, M4 5JY, United Kingdom

 

Ritz Carlton Hotel – Riyadh | فندق ريتز كارلتون – الرياض

.

مطعم الفندق

.

سوق مطرح – مسقط | Mutrah Souq – Muscat

السلام عليكم

سوق مطرح

أحد الاسواق الشعبيه و التراثيه في مسقط

و من اهم الاماكن اللي لازم الواحد يزورها اذا زار عمان

السوق مكانه عالبحر (الكورنيش)

تلقون بالسوق علك اللبان سواء للاكل او البخور

و الملابس الشعبيه( مثل المصار و اهوا العمامه العمانيه و الكميم القحفيه العمانيه )

و الهدايا التذكاريه و الخناجر و الفضيات و المباخر ” مثل مايقولون اهل عمان المجمر“

.

احلى شي بالسوق السقف

المنقوش بـ نقوش تراثيه (خناجر و مباخر و دلال قهوه) و الألوان عجيبه

و بعد الخشب المنقوش عجيب ماشاء الله

.

انصح بـ زيارة السوق بـ شدة اذا زرتوا مسقط

.

Ibis Hotel – Bahrain | فندق ايبيس السيف – البحرين

.

السلام عليكم

.

في اخر زيارة لـ مملكة البحرين

شهر ابريل 2016

سكنا في

فندق ايبيس السيف

الصراحه اول مره اسكن في هالسلسله

اخذنا سويت 3 ليالي بـ 131 دينار كويتي

الفندق حلو نظيف,

فيه باركنج مجاني للنزلاء بالاضافه لـ ارض فاضيه جنب الفندق

السويت حجمه زين

ينفع حق 4 اشخاص

المطبخ مجهز بادوات الطبخ

و بالغرفه فيه غلايه و شاي و قهوه

بالاضافه الى ان..

جنب الفندق مجمع الدانه التجاري فيه سوبر ماركت

.

الصراحه انصح فيه خصوصا ان سعره ممتاز..

Booking

موقع الفندق

TripAdvisor

.

العنوان :

Bldg. 456 Corner Avenue 48 Sanabis, Avenue 18, Manama, البحرين

.

.

الغرفه (السويت)

المطبخ و الصاله

الكنبه اللي بالصاله تتحول سرير

.

.

و هذي غرفة النوم

و الحمام (تكرمون)

.

.

المنظر من الغرفه

.

سنتريا مول + مطعم لوسين @_LUSIN_ | الرياض

مرحبا

شهر اكتوبر ٢٠١٥

زرت مع الاهل الرياض

و خلال زيارتنا..

قررنا نروح مول

سنتريا

..

عشان نتمشى بالمول

طبعا المول اغلب محلاته

محلات ماركات راقيه مثل:

MCM, فندي, جوتشي, سيلين, برادا

.

و بعد عشان نتفطر في

المطعم الارمني لوسين

فطورهم عباره عن

Set Menu 

الشخص 95 ريال

فطورهم حلو عجبني

و ديكور المطعم بعد حلو

بس ماصورت الديكور لان المطعم متروس

اعطيه 8.5/10

.

Twitter | مطعم لوسين:

@_LUSIN_

موقعهم الالكتروني

موقع سنتريا مول الالكتروني

.

(العنوان: تقاطع طريق العليا العام مع طريق الامير محمد بن عبدالعزيز “التحليه”)

.

.

مطعم لوسين

.

The Providores and Tapa Room – London | بروفيدوريس – لندن

السلام عليكم

بآخر زياره الى لندن

رحنا مطعم اسمه

The Providores and Tapa Room

المطعم مشهور بـ بالبيضه التركيه Turkish Egg

طلبتها و طلبت معاها عصير ليمون بالجنجر

.

اول مره اذوق البيضه و اعجبتني وايد

طبعا هالبيضه مشهوره بـ لندن

في مطعم كوبابا اللي موجود بالكوفنت جاردن

رحناله مره بس ماكنا حاجزين و كان زحمه الانتظار طويل فـ هونا

و اشوا لقينا هالمطعم بالصدفه و كان جنب فندقنا..

انصح فيه اذا كنت تبون مطعم في منطقة ماريليبون

اعطيه 8/10

.

العنوان: 

109 Marylebone High St, London W1U 4RX، المملكة المتحدة

www.theprovidores.co.uk

.